Afnám verðtryggingar

90% íslendinga með verðtryggð lán sem ekkert er gert í.Frysting greiðslu höfuðstóls er frestun sem eykur vanda skuldara.Verðtrygging heldur áfram að hækka heildarskuld plús það sem sleppt er að greiða núna og eignin fellur í verði 25-75 % samkvæmt tölum úr fréttum. Það er talað um að ekki sé hægt að fella niður verðtryggingu tímabundið vegna þess að við sem eigum lífeyrissjóðina myndum tapa svo mikið á verðbólgunni. Ekki er talað um þetta: Samkvæmt nýjustu spám er talað um að húsnæðisverð geti fallið um 25-75% prósent.Samkvæmt spám getur 20 milljón kr húsnæðislán, sem verðtryggt er, orðið um 25 milljónir eftir 1 ár við óbreytt ástand, (allir eru sammála um að ástandið geti bara versnað).  Eignin sem kostar 20 milljónir verðfellur samkvæmt bjartsýnustu spám um 25%á einu ári og kostar því 15 milljónir. Munur á skuld og verði er 10 milljónir. Samkvæmt svartsýnustu spám, um 75% verðfall eignar, kostar eignin 5 milljónir. Munur á verði eignar og láni er 20 milljónir.Þegar svo húseignirnar okkar byrja að hrannast upp hjá bönkunum og lífeyrissjóðum,kemur tapið af verðtryggingunni í ljós.  Íbúðareigendur sem hefðu getað staðið þettaaf sér án verðtryggingar, geta ekki staðið í skilum.  Ég spyr:  Er ekki betra að fella niður verðtrygginguna tímabundið frekar en að eignir okkar þurrkist út í lífeyrissjóðum.

Þó að bjartsýnustu spár gangi eftir þá mun engin sitja í íbúð sem kostar 15 milljónir með lán uppá 25 milljónir.

Athugasemdir

[Friðrik Óttar Friðriksson, 6.11.2008 kl. 01:47]

Sammála, það er engin lausn í að lengja í lánum eða auka á lán.  Það er heldur engin lausn að taka vel á móti fólki þegar í þrot er komið.  Ef ekki á að stefna í óefni verður að stöðva heimatilbúna eignatilfærslu til lánastofnana í formi verðbólgu sem orsakast af gengisfallinu einu saman ofan á verðtryggð húsnæðislán.

Það á að afnema verðtrygginguna strax og heimila fólki að nota viðbótarlífeyrisjóðsinneignir til að greiða niður sín lán.  Það er komið nóg af þessu veðstólasukki þeirra sem eiga að gæta hagsmuna almennings.